ചായയും ചർച്ചയ്ക്കും മികച്ച പ്രതികരണം; ചിരിയും ചിന്തയും ഒപ്പം അറിവും സമ്മാനിക്കുന്ന ഒരു കുഞ്ഞ് എപ്പിസോഡ്…

ചുരുങ്ങിയ കാലം കൊണ്ട് പ്രേക്ഷക പ്രീതി നേടിയ “ചായയും ചർച്ചയു’ടെ പുതിയ എപ്പിസോഡിന് മികച്ച പ്രതികരണം. ഒരിടവേളയ്ക്ക് ശേഷമാണ് വെബ് സീരീസ് പ്രേക്ഷകരിലേക്ക് എത്തുന്നത്. വിനോദവും വിജ്ഞാനവും പ്രേക്ഷകർക്ക് സമ്മാനിക്കുന്ന Q TV യിലെ മികച്ച വെബ് സീരീസാണ് ചായയും ചർച്ചയും. സീരിസിന്റെ പതിമൂന്നാമത്തെ എപ്പിസോഡാണ് കഴിഞ്ഞ ദിവസം പുറത്തിറങ്ങിയത്. ഒരിടവേളയ്ക്ക് ശേഷം തിരിച്ചു വന്നതിന്റെ സന്തോഷം പ്രകടിപ്പിച്ച് നിരവധി കമന്റുകളും യുട്യൂബിൽ സീരിസിന് ലഭിച്ചിട്ടുണ്ട്.

ചിരിയും ചിന്തയും ഒപ്പം അറിവും സമ്മാനിക്കുന്ന വ്യത്യസ്‍തമായ വെബ് സീരീസാണ് ചായയും ചർച്ചയും. നർമത്തിൽ ചാലിച്ച മുഹൂർത്തങ്ങളിലൂടെ പുത്തൻ അറിവുകളും ലോക കാര്യങ്ങളും പ്രേക്ഷകർക്ക് മുന്നിൽ എത്തിക്കുക എന്നതാണ് സീരിസിന്റെ ലക്ഷ്യം. ഗ്രാമപ്രദേശത്തിന്റെ പശ്ചാത്തലത്തിൽ ഒരുക്കിയ ചായക്കടയിലാണ് സീരിസിന്റെ കഥ നടക്കുന്നത്. നർമ്മത്തിലൂടെ വിവരങ്ങൾ പങ്കുവെക്കുന്ന കഥാപാത്രങ്ങളുടെ അഭിനയ മികവും തിരക്കഥയും ഏറെ ശ്രദ്ധ നേടിയിരുന്നു. സീരിസിന്റെ മികവാർന്ന സംവിധാന രീതിയും വെബ് സീരിസിനെ മനോഹരവും വ്യത്യസ്തവുമാക്കുന്നു.

ഓരോ എപ്പിസോഡിലും വ്യത്യസ്ത വിഷയങ്ങളെ കുറിച്ചുള്ള അറിവുകൾ ഹാസ്യരൂപേന പ്രേക്ഷകന് മുന്നിൽ എത്തിക്കുന്നത് തന്നെയാണ് ഈ സീരിസിന്റെ വിജയവും. ഷമില്‍ ബഷീര്‍, ഗായത്രി, ആനന്ദ് മന്‍മദന്‍, വൈശാഖ് മുവാറ്റുപുഴ, മന്ന സേവ്യർ എന്നിവരാണ് ഇതിലെ കഥാപാത്രങ്ങളെ അവതരിപ്പിച്ചിരിക്കുന്നത്.

ലോകമലയാളിയ്ക്ക് ആസ്വാദനത്തിന്റെ മറുപേരായ ഫ്‌ളവേഴ്‌സ് ടിവിയും നൂതന സാങ്കേതിക വിദ്യയുടെ സഹായത്താൽ വസ്തുനിഷ്ഠമായ വാർത്തകൾ പ്രേക്ഷകരിലേക്ക് എത്തിക്കുന്ന ട്വന്റിഫോർ ന്യൂസ് ചാനലിന്റെയും ഭാഗമാണ് Q TV. ഇന്‍സൈറ്റ് മീഡിയ സിറ്റിയുടെ കീഴില്‍ പ്രവര്‍ത്തിയ്ക്കുന്ന Q TV മികച്ച ഇന്‍ഫര്‍മേറ്റീവ് ഡിജിറ്റല്‍ ചാനലാണ്.

Leave a Reply

Your email address will not be published.